今天放第三日的恩恤假,陪爸爸往灣仔民政事務總處拿遺產確認通知書後,到銀行辦理手續.
前往銀行在商場乘搭扶手電梯,由於剛有一班人和我同時到達,他們全站在右邊,我被迫站在左邊.
一會,聽到後面有人叫’唔該’,我便自然地更貼近左邊讓那女士行過,因我爸爸在後面.怎料,那女士行過後,回頭罵我:’應該站右邊啦.’我回應她:’現在香港政府都不規定要靠右站.’她說:’這是公民教育.’而她未再待我回應便離去了.
“左行右企“這乘搭扶手電梯的標語,是80年代地鐵初初啟用時教導的,但現在政府見有太多乘搭扶手電梯的意外發生,有學者教導市民,其實每一級扶手電梯只可站一人,不可以兩人並排甚或步行.再且,政府亦教導市民,如有幼童同行,家長們便要和那幼童同站一級並拖著幼童.
我在想,我在地鐵乘搭扶手電梯時,左邊也站滿了人,並沒有問題.如果那女士遇到一名家長與幼童並站,她會同樣地惡言相向嗎?
當然我會遇著人們站在左邊,但我不會主動開口請人讓開,只是等他們自己醒覺讓開;就算真是趕時間開口,行過後也不會這樣指責別人呢.
"魔鬼"慧瑩暢所欲言天地I 
一般情況我都盡量靠右企，就是預計有d好趕嘅人用左邊條路。但有時趕時間唔係大哂家嘛！又冇禮貌！有時d人傻架，迫來迫去，撞到又踩到我，最後咪又係慢過我或同我同步到！真係唔明！
讚讚
如果我趕時間會請佢o地借一借,
但咁罵人就有點過份了!!!
讚讚
公民教育有教罵人的嗎？
讚讚
香港的"醒" 人, 每天就是要受那等不知道社會變化的人的氣, 所以, 雖然明知道可以站左邊, 我都一樣站右邊, 免受氣:) 香港的電梯, 性能都特別高, 不會因為有人在其上走動而失準, 但如果是在外地, 就很難說了:P
讚讚
算啦…大家都係心情唔好啫
讚讚
係囉,真係唔明啲人咩心態o架,咩都要同人迫,揩揩踫踫至安樂o既.我自己行路同排隊都會同人保持適當距離,盡量唔會掂到人.
讚讚
係囉,借o左就已經可以啦,而且我都係被迫企左邊.
讚讚
呢個可能係佢心目中o既公教.
讚讚
其實我每次都盡量企左邊,但冇諗到o係當時唔多人o既商場就畀人咁話.
呵呵,性能點高都好,總可能會發生意外嘛.
讚讚
原本心情都好平靜,但被呢個女人冇理咁話.
讚讚
我來留個言…
讚讚
即係報到?
讚讚
我而家日日都睇你個blog，朋友仔，不如來個連結吖！Thank you!
讚讚
謝謝奉場,好吖.
讚讚
咁就要同人嘈,佢又太無品了!
不過這也值明香港真是慣左幾時都要急同趕,停低等電梯自己上都趕不切
讚讚
唔知佢係咪食o左火藥.
嗯,香港o既生活節奏真係冇變.
讚讚
讓條路出來都比人鬧，真是慘情。
換作是我的話，除非上面左邊已經有人企左起度，否則都會迫自己向上行。如果行唔到才排右邊後面，無謂同人嘈。
讚讚
我都會係咁,如無記錯,當時我前面隔幾級都好似有人企左邊.
讚讚